Notoj kaj konsiloj pri uzado de la redaktilo. Konataj eraroj

Salutado per OpenId

Salutado per OpenId estas maniero saluti per identigilo registrita ĉe alia servo. Ĝis nun (versio 0.9) nur Yahoo estas subtenata. Vi bezonas konton ĉe Yahoo kun aldonita OpenId, sed ne nepre Yahoo-retadreson. OpenId havas formon de URL, ĉe Yahoo ĝi aspektas tiel: https://me.yahoo.com/m/a/<iuj strangaj literoj>--.

Vi ne bezonas tajpi ĝin en la salut-maskon. Sufiĉas premi sur la Yahoo-butonon. Tiam aperas salut-masko ĉe Yahoo, kie vi aliĝas kiel kutime en via Yahoo-konto. Se vi ne jam havas OpenID vi povas krei ĝin sur la paĝo https://me.yahoo.com.

Anglalingvajn klarigoj pri kiel funkcias OpenId vi trovas tie ĉi: http://openidexplained.com/

Salutado per OpenId Connect / OAuth2

Pli aktuala metodo de retsalutado estas OpenId Connect. Momente (versio 0.9) nur Google estas subtenata. Vi bezonas konton ĉe Google por uzi tiun salutmetodon.

Tajpado

Esperantaj signojn vi povas tajpi ek de versio 0.9 en ciuj kampoj, kie ili povas aperi, per la x-klavo: "cx" fariĝas "ĉ" kaj "cxx" repsektive "ĉx" fariĝas "cx" ktp. Redaktante la XML-tekston, atentu, ke ene de markoj oni ne rajtas uzi ne-askiajn signojn.

Konataj eraroj kaj limigoj

La tradukdialogo montras nur tradukojn de derivaĵoj, sencoj ktp. kiuj havas markon. Ĝi ne montras tradukojn de senmarkaj sencoj aŭ de rimarkoj. Mi konsilas aldoni markojn ĉiam al la sencoj, eĉ se estas nur unu.

Notoj pri la uzo de la redaktilo per diversaj kroziloj

La diversaj kroziloj havas diversajn manierojn kiel funkcias JavoSkripto, kiun la redaktilo uzas por siaj multaj komfortaj funkcioj. Bedaŭrinde estas ne eble por mi testi ĉiujn kombinojn de kroziloj kaj operaciumoj. Do eble ne ĉiuj cimoj troviĝas antaŭ apero de nova versio. Se vi trovas problemon, bv. laŭeble averti min. Dankon! Jen kelkaj spertoj, kiuj povas helpi.

Chrome kaj Chromium

Laŭ mia subjektiva eksperimentado Chrome kaj Chromium funkcias plej glate kaj rapide kun la redaktilo. Mi mem uzas Chromium sub Ubunto-Linukso. Mi trovis unu problemon sed ne jam solvon, se mi uzas Chrome sub Vindozo kune kun esperanta tajpilo Ek!: Foje la konfirmo-klavo (liniŝanĝo-klavo) ne funkcias. Helpas malŝalti Ek!, premi la klavon por komenci novan linion kaj reŝalti Ek! poste. De versio 0.9 aldoniĝis subteno por la x-klavo per kiu vi povas enigi esperantajn supersignajn literojn. Tiel vi povas pli facile malŝalti Ek! dum la tuta redaktado.

Interreta Esplorilo

Mi penis, eltesti Redaktilon ankaŭ sub IE (versio 11), kiu konsiderinde devias de aliaj retumiloj. Mi pensas, ke ĝi nun funkcias. Se vi trovas nerimarkitan problemon, bonvolu atentigi min.

Fajrovulpo

Fajrovulpo ekde la versio 57, kiu anstataŭis la kernon per nova nomita Kvantumo, ne plu havas la antaŭan rapideco-problemon redaktante ampleksajn artikolojn. Bv. uzi do aktualan version.

Safario

Mi iom uzis kaj ĝenerale ŝajnas funkcii, sed mi ne povas provi ofte por esti certa.

Problemoj de la servilo

Mankas spertoj pri samtempa uzo de la redaktilo de multaj uzantoj, sed foje mi spertas problemojn de la servilo programita en Prolog+Javo, eble kaŭzita de iom limigita memorkapacito de la servilo: Volframo Distel'
Reiri al la ĉefa paĝo