^*kroz/i ^UV

(ntr)

1.

Navigi zigzage, esplorcele: mi povis surmarigi tiun-ĉi boaton, unue, mi krozadis sur rivereto, sed baldaŭ mi kuraĝiĝis, kaj veturis ĉirkaŭ mia insulo [1].

a)

(pri militŝipo, kaperistoj) Veturi zigzage en iu regiono por kontroli la trafikon: li estas postenigata sur la krozŝipon Invincible kaj ekiras al Ŝanghajo [2].

b)

Veli zigzage kontraŭ la vento, t.e. boardi: leviĝis neforta vento, sed rekte en kontraŭa direkto, ni krozis kaj krozis, kaj fine […] atingis Korsoron [3].

c)

(pri ŝipo aŭ pasaĝero) Veturi sur ŝipo plezurcele, turismocele: li krozis sur tre luksa ŝipo de entreprenisto [4]; krozeti per kutro laŭ apuda rivero [5]; dum la krozado la glacirompilo haltas en la maro por ellasi kuraĝemulojn, vestitajn per akvoimunaj varmokostumoj [6]; [li] krozis en maroj kaj estis fine de la 1950aj jaroj en Kubo [7].

2.

(figure) Zigzagi esplore en iu areo: tri vulturojn […] kroze ŝvebis en la alto antaŭsentante baldaŭan regalon [8]; (figure) foje-foje krozis tra la cerbo imago pri beleta ĉambro kun pelargonio en la fenestro, sed baldaŭ ĝi formortis [9].

a)

por kontroli: germanaj aeroplanoj krozadis super la bombarditaj pozicioj [10]; la policaŭto pasis kaj krozis plu [11]; (figure) la recenzanto kontrolis ne nur tiujn ĉi malmultajn sekciojn, krozante tra la paĝoj, li trovis interesan ekzemplon [12]. patroli¹

b)

por turismi: en la taksion venis frenezulo, kiu ne povis klarigi, kiel li deziras veturi, sed Blagovest krozis tra la tuta urbo [13]. vagi

c)

sen difinita celo tra Tut-Tera Teksaĵo: [per TTT] oni povas krozi tra multaj urboj de la mondo [14]; malgranda poŝkomputileto, kiu [ebligas] krozi en Interreto, kontroli vian retpoŝton, sendi tekstomesaĝojn [15]. navigi², retumi, surfi²

Ago krozi; krozveturo: sestagaj transatlantikaj krozoj […] kostos inter 3100 kaj 41 000 eŭrojn [16].

Turisto partoprenanta krozadon: novaj krozantoj komencos siajn aventurojn, dum krozintoj aŭtobusos al la flughaveno [17].

Foliumilo: retumi kiam ajn kaj kie ajn per la makintoŝa krozilo Safari [18]; simple funkciigu vian krozilon kaj iru al www.volapug.net [19].

(evitinde)

krozŝipo